舐共壞腦之「鼠王芬」個案

0
73
梁振英刑事恐嚇《立場新聞》該當何罪?

十月廿七日係垃圾會最後一次大會(包括僭建一年),審議《2021年電影檢查(修訂)條例草案》,只得五個比橡皮圖章更不堪嘅「議員」發言,一條扼殺創作自由、窒礙香港電影業發展嘅惡法,冇辯論冇反對,只係用咗四十五分鐘就咁三讀通過。
《2021年電檢條例修訂草案》內容主要包括:一、「要求電檢處檢查員未來必須考慮影片上映會否不利於國家安全,並可延長至廿八天時間,以充分考慮及索取資料;二、政務司司長如認為影片不利國安,也可撤銷以往發出的核准或豁免上映的證明書;三、督察可在沒有法庭手令授權的情況下進入和搜查任何地方,並可要求核准或豁免證明書持有人提供上映的日期、時間和地點,以避免有人利用社交媒體或即時通訊程式隱藏,違法放映影片。四、提高最高刑罰至監禁三年、罰款一百萬元。
「體育、演藝、文化及出版界」功能組別嘅「立法會議員」馬逢國從來都不曾企喺演藝界立場,為香港電影事業發展向政府陳情,呢個已經係眾所周知嘅事實。今次修例咁大件事,不但冇做民調,或者博采周諮,問吓業界意見,但卻面不紅耳不熱咁強姦民意,表示已經同電影界溝通過,業內人士普遍支持修例,佢哋只係擔心延長二十八日天電檢時間或者會影響運作啫。呢條茂李,手指拗出唔拗入,又狗噏乜嘢「危害國安電影仍然可以喺 Youtube、Netflix 等網上串流平台播放,係一個漏洞,希望政府研究增加監管串流平台」。
毓民真係想問下馬逢國:究竟如何監管,你有冇乜嘢高見呢?嗱,如果係監管 Youtube、Netflix ,不如禁止呢兩個科企巨無覇喺香港出現,咁就一了百了;不過,商業及經濟局局長邱騰華可能會同你講:馬逢國議員,你不如殺撚咗我啦!搞唔掂 YouTube 、Netflix 呢啲外國勢力,睇怕都會閂埋門鬥香港人。如果得過最佳電影獎嘅「十年」或者幾部國際知名嘅「反送中」紀錄片喺網上串流平台出現,國安處可以向電訊商施壓,要求交出下載者個人資料,然後治以「煽動顛覆國家政權」、「分裂國家」、「勾結外國勢力」重罪,捉鳩晒去坐監!
「垃圾會」?面沒有最垃圾只有更垃圾,「老鼠芬」係其中一個表表者,佢話:二〇一六年為咗「了解年輕人」,曾經入戲院睇《十年》,好驚訝咁發現電影「煽動港獨」、「仇中」、「美化自焚」等,但政府當時坐視不理;甚至有家長帶同三歲細路入場睇《十年》,就係因為當年有三歲細路入場睇《十年》,所以點解二〇一九年會有十一、二歲嘅出去(暴動)」。「老鼠芬」仲好撚感性咁話:我哋已經失去咗幾代年輕人,希望以後唔會再出現好似《十年》呢種「荼毒年輕人」嘅電影。
人一舐共腦便殘,「老鼠芬」呢個個案好嚴重,佢唔止係語無倫次,仲係思覺失調。有人喺網上出咗一條小學生嘅算術題恥笑佢:「二〇一五年《十年》上畫時,小明三歲,到二〇一九年,小明幾多歲?鼠王:十一,十二歲。」
「老鼠芬」舐共舐到精神錯亂,喺垃圾會嘅言論,已經唔係政治認識或者立場嘅問題,為咗作惡而作賤,咁咪搞到癡撚咗線囉!
2021 Oct 28 癲狗編輯室
/黃毓民

b

The post 舐共壞腦之「鼠王芬」個案 appeared first on 癲狗日報.