齊齊友福三班佔優 – 癲狗日報

0
67
齊齊友福三班佔優

齊齊友福三班佔優 – 癲狗日報

今晚的賽事好多是上次取消賽事的出賽馬,如今日其中一場重心推介的尾場,大部分都是本來上周三跑的參賽馬,賺咗定蝕咗當然要跑過先知,唯一無蝕一定係馬會。

第七場四班1200米

苦戰到今季已經第三季的「大醇威」仍未能出頭,二十八戰有六次入Q紀錄及一次季軍,跑法主要都是擺前面,今場排在二檔,薛恩孭127磅,如有心搶前段放出嚟一定係最快果隻,鬥衝力短馬往往都差啲,常在此程入位置的馬,晨課常見好狀態,一定要拖住。近四仗轉到此程的「友心友型」,名次搭級而上,上季尾首次入圍跑入第三名後,今季初出更跑入Q,負於「種福者」四分三馬位,隔了一個月再戰,由唔放手的潘頓做埋大閘,跟住自動湧上,更一手包辦操練,對此駒非常緊張,今次更抽埋一檔,孭125磅守在沿欄中間位且戰且走,入彎後又係潘頓嘅世界。

第八場三班1200米

操到火紅火綠的「齊齊友福」(上圖)再報贏馬路程上陣,上季先在田草千二米開齋,在此程添多一Win,上到三班可以贏,上場在上季谷草煞科戰,初跑二班排十一檔留到最後,末段可跑出22秒23的最快時間得第五名,負於「飛霸龍」個半馬位,今次三班用班德禮,孭127磅排六檔,可以守前中段的二疊仲好衝,望能替鄭俊偉馬房取得今季第四場頭馬。專攻此程的「零距離」在四班取得兩連捷,上到三班後兩場也跑得接近,分別以兩又四分一馬負於「高明駿將」得季軍,及以不足兩個馬位負於「好好彩彩」得第六名,近三課快操都是由今仗騎師莫雷拉經手,孭120磅排在曾兩捷的一檔,前駒可在三班贏馬所以睇高一線,而此駒在三班只跑兩場,出賽只有六場的四歲馬仍有上望空間。

第九場三班1650米

尾場賽事形勢緊湊,可爭Win的馬匹有六隻之多,不如搏有分頭的一對邊線馬,上周三因颱風關係取消了賽事的「協進神駒」先在泥地千二米熱一場身,負於當日大利放頭而贏馬的「獎金大王」,在馬群的跑道中間位置的「協進神駒」追勢不俗,熱身後再報跑上季尾入Q的路程,用班德禮孭127磅排二檔,此駒備戰積極,有大熱門「俏芳華」孭飛,搏半冷開齋。另一匹半冷之選是跑慣此程的「超趣」,雖然上季未有頭馬見面,唯一勝仗要數到前季在此程取得,近六場已開始復蘇,已連續六仗跑入二至五名,上場只負於當起的「俏芳華」一條頸位入Q,今仗繼續由霍宏聲上陣,孭124磅排七檔,雖然要面對「俏芳華」、「百勝名駒」及前駒等路程好手,留得好鬥爆一段未必輸蝕,有一定賠率,記得咪走寶。

馬王六環彩提供

第四場

1開心好友

4種福者

第五場

7皆大開心

8天衣無縫

第六場

3多多寶驥

4天火同人

第七場

5大醇威

7友心友型

第八場

 4齊齊友福

 8零距離

第九場

3協進神駒

8超趣

(馬王  20/10/2021)