梁振英刑事恐嚇《立場新聞》該當何罪?

0
35
梁振英刑事恐嚇《立場新聞》該當何罪?

梁匪振英人格卑下,鍾意講大話唔係新聞,畀人踢爆佢講大話跟住老羞成怒亦都唔係新聞,但係衰到要恐嚇新聞界,說什麼要「去掉」(即係消滅)揭發佢特首任內「秘密賣股」醜聞嘅網媒,甚至賤到恐嚇有關網媒嘅總編輯及其家屬,此一香港蟊賊所作所為喪盡天良,人神共憤。茲事體大,此間新聞界如果良知未泯,必須群起而攻之,聲討惡行,夾手夾腳打到佢殘為止!
梁匪振英以民為敵,打壓新聞自由,恐嚇新聞工作者,毓民「二次創作」佢講過嘅一句說話:我們不能讓這種所謂「人」死唔斷氣!
Follow us: @MadDogDaily on Twitter | Mad Dog Daily on Facebook
梁匪振英十年前已被揭發喺競選特首期間,以戴德梁行董事身份同澳洲上市公司UGL簽訂協議,收咗四百萬英鎊(約五千萬港元)未作申報。日前網媒《立場新聞》引述「國際調查記者同盟(International Consortium of Investigative Journalists)嘅調查報道「潘朵拉文件」內容,指梁在特首任內透過兩間離岸公司,持有戴德梁行在日本業務公司「EuroAsia Properties」30%股權,戴德梁行則持有70%股權,梁匪喺UGL事件接受廉署調查期間,二〇一五年十二月出售股權獲二十萬英鎊(二百三十萬港元),一樣冇公開申報。梁亦曾出任「EuroAsia Properties」董事,到咗出任特首超過一個月後先至正式離職,而且未有依規定在行政會議利益申報。
六八九呢個狗賊欺善怕惡唔敢惹「國際調查記者同盟」,但係就上Facebook「打飛機」,連出三帖語帶恐嚇,警告引述有關報道嘅《立場新聞》,而且仲振振有詞話喺現時申報制度底下,不必申報各級子公司嘅股權持有及股權變動,即係有恃無恐,擺明車馬話畀所有人聽:我善於游走現時「申報制度」之間嘅空隙,你哋吹撚得我脹咩?
現行《防止賄賂條例》第三條及第八條,關於公職人員索取及接受利益,以及與政府進行事務往來時對公職人員提供利益,兩項條文適用範圍均未有涵蓋行政長官。二〇一二年二月,時任特首嘅「煲呔曾」涉及利益衝突的事件曝光之後,邀請審計署成立「防止及處理潛在利益衝突獨立檢討委員會」,對規管行政長官收受利益制度進行檢討,有關報告指出特首收取利益喺制度上存在漏洞,建議政府修訂《防止賄賂條例》,將特首納入規管,但經歷三任特首,相關建議拖足九年仍未見實行。
講到呢度,毓民又不得不提嗰位人人皆曰可殺嘅賊婆。
今(六)日將會公布任內最後一份《施政報告》嘅林鄭月娥,當年競選行政長官時承諾修訂防賄條例涵蓋特首,上任後又曾表明會兌現承諾,不過,今年七月出席嗰個所謂立法會答問大會時竟然話:「到今日仍然未做到,亦唔會做」,而且仲話唔希望未來特首修例,因為修例將會衝擊及弱化特首憲制地位。嘩,「走數」兼夾反口覆舌,做人可以無恥到呢個步,真係天下無敵,所向披靡矣!
賊婆反口走數,唔係想保住梁匪振英,因為就算修咗例都不可以有追溯性,相反任由後者秘密賣股醜聞不斷發酵,驚動北京主子,明年三月特首欽點鬧劇少一對手,又何樂而不為!
2021 Oct 06 癲狗編輯室
/黃毓民

The post 梁振英刑事恐嚇《立場新聞》該當何罪? appeared first on 癲狗日報.